Здравство | 19.08.2014 | 09:05 | 0

Ексклузивно: Во петокот починал млад пациент, но спасил двајца од дијализа

Следете не на:

Нови две трансплантации од кадавер во Македонија. Уште двајца пациенти добија бубрег од починат донор.

transplantacija

Во петокот поради крварење во мозокот на Клиниката за Неврохирургија починал млад 30 годишен пациент. По смртта иако скршени од болка и тага неговите најблиски одлучиле бубрезите да бидат донирани, дознава zdravstvo24 од извори од Клиничкиот центар во Скопје. По направените испитувања органите најмногу одговарале на еден маж и една жена кои подолго време оделе на дијализа. Тимот за трансплантација бил собран за кратко време и во петокот доцна вечерта почнало пресадувањето на бубрезите. Хирурзите и останатиот медицински персонал работеле цела ноќ. Втората трансплантација била извршена во саботата наутро, велат за zdravstvo24 извори од Клинички. Операциите поминале без компликации. Организмот на пациентот добро го прифатил бубрегот и веднаш почнал да мокри, а пациентката сеуште не можела да мокри , деновиве повторно била приклучена на апарат за дијализа.
Полека почнува да расте свеста кај македонските граѓани за донирање органи. По повеќе од 20 години стагнација, ова е 4-ти случај на пресадување бубрези од починат донор. Годинава органи од кадавер добија 8 бубрежно болни лица.